رأى

خواطر : اللبس ألما محتشم

بقلم البرنس سوبيك

خواطر …
أمس كنت في الجوازات ، و شايف ناس الشرطة في البوابة موقفين نساوين في الباب و ما عاوزين يدخلوهم ، قال بسبب لبسهم ما محتشم طبعا انا استغربت جدا ، كيف يعني لبسهم ما محتشم و هم نساوين كبيرات في السن ، و والله لبسهم محترم جدا . و شايلين طفل في ايدهم . انا استفسرت جوة قالو الإدارة هنا منعو اللباس الشاذ الغير محتشم انا قلت ليهم كيف يعني لباس شاذ و غير محتشم 🤔🤔🤔🤔 . طيب هنا في شريعة اسلامية ولي شنو ؟ بعدين العساكر القاعدين في الباب بيتكلمو مع النسوان ديل باستفزاز كدا. مربعين كرعينهم فوق بعض و بيتكلمو لغتهم المحلية و بيضحكو والله حاجة تزعل 😠😠😠😠 .
علي القائمين بأمر الجوازات و الشرطة ان يعلمو ان الجوازات من حق الشعب و لا تستفزو الشعب. انتم هناك عشانا احنا الغبش ديل . لو في زي ما محترم أنتم شايفنه ما ممكن يتصور بحدومه دا في طريقة كويسة ممكن تنبهوه ، اعملو قانون وضحو شنو هو الزي المحتشم و الغير محتشم عشان الناس تعرف . ما يكون زي قانون النظام العام سيئ السمعة زمان ..
تخلي العسكري يعرف لباس الناس زي ما هو عاوز …..
انتم في خدمة المواطن …مش عشان تزلوه . و تزكرو أنو النظامكم دا أشبه بنظام الكيزان البائد الله ما يرده للشعب السوداني …
احنا رفضناه زمان …..

Click to comment

You must be logged in to post a comment Login

Leave a Reply

Most Popular

To Top